കടയുടെ ചില്ലുകൾ തകർത്തു

കേളകം: കൊട്ടിയൂർ പാൽചുരത്തെ കെ.ജെ.പി ട്രേഡേഴ്‌സ് ആൻഡ് ടീ ഷോപ് സ്ഥാപനത്തിന്റെ ജനൽച്ചില്ലുകൾ അജ്ഞാതർ അടിച്ചുതകർത്തു. ചൊവ്വാഴ്ച രാത്രിയാണ് സംഭവം. സ്ഥാപനത്തിന്റെ മൂന്നു ജനലുകളുടെ ഗ്ലാസുകളാണ് തകർത്തത്. സ്ഥാപനത്തിന്റെ മുകളിൽ വാടകക്കു താമസിക്കുന്ന തൊഴിലാളികൾ ശബ്ദം കേട്ട് പുറത്തിറങ്ങിയപ്പോഴേക്കും അക്രമികൾ രക്ഷപ്പെട്ടതായും ബൈക്കിലെത്തിയ സംഘമാണ് ആക്രമിച്ചതെന്നും വ്യാപാരസ്ഥാപന ഉടമ റെജി കന്നുകുഴി പറഞ്ഞു. കേളകം പൊലീസിൽ പരാതി നൽകി. പ്രതികളെ ഉടൻ പിടികൂടണമെന്നും യുനൈറ്റഡ് മർച്ചന്റ് ചേംബർ നേതാക്കൾ ആവശ്യപ്പെട്ടു. ---------- Photo: A0035: പാൽചുരത്തെ കെ.ജെ.പി ട്രേഡേഴ്‌സ് ആൻഡ് ടീ ഷോപ്പിന്റെ ജനൽച്ചില്ലുകൾ തകർത്ത നിലയിൽ