തെരുവുനായ് ശല്യം രൂക്ഷം; നടപടിയില്ല

ഇരിട്ടി: ടൗണിലെത്തുന്ന യാത്രക്കാർക്ക് ഭീഷണിയായി തെരുവുനായ്ക്കൾ. ഇരിട്ടി പുതിയ ബസ് സ്റ്റാൻഡ്, പഴയ സ്റ്റാൻഡ്, മേലെ സ്റ്റാൻഡ്, കീഴൂർ, പയഞ്ചേരിമുക്ക് തുടങ്ങിയ സ്ഥലങ്ങളിലാണ് നൂറുകണക്കിന് തെരുവുനായ്ക്കൾ അലഞ്ഞുതിരിയുന്നത്. സ്കൂൾ കുട്ടികൾക്ക് ഉൾപ്പെടെ യാത്രക്കാർക്ക് ഇവ ഭീഷണിയാണ്. ഇരുചക്രവാഹന യാത്രികർ തെരുവുനായ് കുറുകെ ചാടി അപകടത്തിൽപെടുന്നത് പതിവാണ്. രണ്ടുമാസം മുമ്പ് പേയിളകിയ തെരുവുനായുടെ കടിയേറ്റ് ഏഴു പേർക്കാണ് പരിക്കേറ്റത്. ഇപ്പോഴും കൂട്ടംകൂട്ടമായാണ് ടൗണിലെ പലയിടങ്ങളിലും തെരുവുനായ്ക്കൾ അലയുന്നത്.