മുച്ചക്ര വാഹനങ്ങൾ വിതരണം ചെയ്തു

ഇരിട്ടി: നഗരസഭ വാർഷിക പദ്ധതിയിൽ ഉൾപ്പെടുത്തി നഗരസഭ പരിധിയിൽ വരുന്ന അഞ്ച് ഗുണഭോക്താക്കൾക്ക് മുച്ചക്രവാഹനം വിതരണം ചെയ്തു. വിതരണോദ്ഘാടനം നഗരസഭ ചെയർപേഴ്സൻ കെ. ശ്രീലത നിർവഹിച്ചു. വൈസ് ചെയർമാൻ പി.പി. ഉസ്മാൻ, നഗരസഭ സ്ഥിരംസമിതി അധ്യക്ഷരായ കെ. സുരേഷ്, എ.കെ. രവീന്ദ്രൻ, പി.കെ. ബൽക്കീസ്, നഗരസഭ സെക്രട്ടറി അഭിലാഷ്, ഐ.സി.ഡി.എസ് സൂപ്പർവൈസർ ജയമിനി തുടങ്ങിയവർ സംബന്ധിച്ചു.