ഇരിക്കൂറിലും കനത്ത നാശം

ഇരിക്കൂർ: വെള്ളിയാഴ്ച വൈകുന്നേരമുണ്ടായ ശക്തമായ വേനൽമഴയിൽ ഇരിക്കൂറിൽ കനത്ത നാശം. കുട്ടാവ് പുതിയ ഭഗവതി ക്ഷേത്രത്തിന് സമീപം വായോറ വീട്ടിൽ പ്രദീപന്റെ വീട്ടിലേക്ക് ശക്തമായ കാറ്റിലും മഴയിലും തെങ്ങ് വീണ് വീടിന്റെ ഒരു ഭാഗം പൂർണമായും നശിച്ചു. മണിക്കൂറുകളോളം വൈദ്യുതി തടസ്സപ്പെട്ടു. മരങ്ങൾ കടപുഴകി വീണു. കനത്ത നാശനഷ്ടങ്ങൾ സംഭവിച്ചതായി പ്രദേശവാസികൾ പറഞ്ഞു. ചിത്രം : ശക്തമായ കാറ്റിലും മഴയിലും തെങ്ങ് വീണ് ഒരു ഭാഗം പൂർണമായും തകർന്ന പ്രദീപന്റെ വീട്