ധനസഹായം നൽകി

തലശ്ശേരി: പുന്നോൽ ബൈത്തുസകാത്ത് 2021-22 വർഷത്തിൽ 12 ലക്ഷത്തിലധികം രൂപയുടെ സേവന പ്രവർത്തനങ്ങൾ നടത്തി. വീട് നിർമാണത്തിന് ഒരു കുടുംബത്തിന് ആറ് ലക്ഷം രൂപ, സ്വയം തൊഴിലിനായി ഏഴുപേർക്ക് 3,51,200 രൂപ, അടിയന്തര സഹായം/ചികിത്സ 15 പേർക്ക് 1,20,000 രൂപ, കടബാധ്യത തീർക്കാൻ ഒരു കുടുംബത്തിന് 70,000 രൂപ, വിദ്യാഭ്യാസത്തിന് ഒരു വിദ്യാർഥിക്ക് 60,000 രൂപ എന്നിങ്ങനെയാണ് തുക വിതരണം ചെയ്തത്. വാർഷിക ജനറൽ ബോഡി യോഗത്തിൽ ജനറൽ സെക്രട്ടറി ഇ.കെ. യൂസഫ് വാർഷിക റിപ്പോർട്ടും ട്രഷറർ എ.പി. അസ്ഗർ വരവുചെലവ് കണക്കുകളും അവതരിപ്പിച്ചു. എം. അബൂട്ടി അധ്യക്ഷത വഹിച്ചു. തെരഞ്ഞെടുപ്പിന് ഉപദേശക സമിതി അംഗം പി.എം. അബ്ദുൽ നാസർ നേതൃത്വം നൽകി. ബി. മുഹമ്മദ് ഇർഷാദ് ഖിറാഅത്ത് നടത്തി. സെക്രട്ടറി സി.പി. അഷ്റഫ് സ്വാഗതവും പി.എം. മുനീർ ജമാൽ നന്ദിയും പറഞ്ഞു. ഭാരവാഹികൾ: എം. അബൂട്ടി (പ്രസി.), പി.വി. ഹംസ, നഹാസ് കേളോത്ത് (വൈ.പ്രസി.), ഇ.കെ. യൂസഫ് (ജന.സെക്ര.), സി.പി. അഷ്റഫ്, ബി. മുഹമ്മദ് ഇർഷാദ് (സെക്ര.), എൻ.വി. താജുദ്ദീൻ, പി.എം. അബ്ദുൽനാസർ, എം. ഉസ്മാൻ കുട്ടി, പി.എം. മുനീർ ജമാൽ, കെ.പി. സാദിഖ്, ടി. ഹനീഫ് (ഉപദേശക സമിതി അംഗങ്ങൾ).