ധർമടം ക്രിക്കറ്റ് ക്ലബിന് ജയം

തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ബാബു അച്ചാരത്ത് മെമ്മോറിയൽ ട്രോഫി ജില്ല എ ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ ഇ.പി. വൈഷ്ണവിന്റെ ഉജ്ജ്വല സെഞ്ച്വറിയുടെ മികവിൽ ധർമടം ക്രിക്കറ്റ് ക്ലബ് 19 റൺസിന് പഴയങ്ങാടി എരിപുരം ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ധർമടം ക്രിക്കറ്റ് ക്ലബ് നിശ്ചിത 45 ഓവറിൽ 224 റൺസിന് ഓൾ ഔട്ടായി. ഇ.പി. വൈഷ്ണവ് 130 പന്തിൽ 100 റൺസും ടി. നിജിൽ 70 റൺസുമെടുത്തു. എരിപുരത്തിനുവേണ്ടി മിഥുൻ 47 റൺസിന് നാല് വിക്കറ്റും ഷിജിൻ 43 റൺസിന് മൂന്ന് വിക്കറ്റും വീഴ്ത്തി. മറുപടിയായി എരിപുരം ക്രിക്കറ്റ് ക്ലബ് 43.2 ഓവറിൽ 206 റൺസിന് ഓൾ ഔട്ടായി. മുഹമ്മദ് സലീം പുറത്താകാതെ 75 റൺസും സി. ഷഹീദ് അഹമ്മദ് 29 റൺസുമെടുത്തു.