ചെസ് ചാമ്പ്യൻഷിപ്​; കണ്ണൂർ സർവകലാശാലക്ക്​ നേട്ടം

കണ്ണൂർ: ദക്ഷിണമേഖല അന്തർ സർവകലാശാല വനിത ചെസ് ചാമ്പ്യൻഷിപ്പിൽ കണ്ണൂർ സർവകലാശാലക്ക്​ മൂന്നാം സ്ഥാനം. ഇതോടെ അഖിലേന്ത്യ ചെസ് ടൂർണമെന്റിന് യോഗ്യതയും നേടി. ചെന്നൈ എസ്.ആർ.എം സർവകലാശാലയിൽ നടന്ന ചാമ്പ്യൻഷിപ്പിൽ മദ്രാസ് സർവകലാശാല ഒന്നാമതും എസ്.ആർ.എം രണ്ടാം സ്ഥാനവും നേടി. ഏഴ് മത്സരങ്ങളിൽ അഞ്ച്​ ജയവും ഒരു സമനിലയുമായി 11 പോയന്റോടെയാണ് കണ്ണൂരി​ന്റെ നേട്ടം. ഒന്നാമതെത്തിയ മദ്രാസ് സർവകലാശാലക്ക്​ 14ഉം രണ്ടാമതെത്തിയ എസ്.ആർ.എം സർവകലാശാലക്ക്​ 12ഉം പോയൻറാണ് ലഭിച്ചത്. ചിത്രം : knr uty chess team - ദക്ഷിണമേഖല വനിത ചെസ് ചാമ്പ്യൻഷിപ്പിൽ മൂന്നാം സ്ഥാനം നേടിയ കണ്ണൂർ സർവകലാശാല ടീം