എ ഡിവിഷൻ ലീഗ് ക്രിക്കറ്റ്: സീഗൾസ് ക്രിക്കറ്റ് ക്ലബിന് എട്ട് വിക്കറ്റ് ജയം

തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ബാബു അച്ചാരത്ത് മെമ്മോറിയൽ ട്രോഫി കണ്ണൂർ ജില്ല എ ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ കെ.വി. ബിജുവിന്റെ ഉജ്ജ്വല ബൗളിങ് മികവിൽ ധർമടം സീഗൾസ് ക്രിക്കറ്റ് ക്ലബ് എട്ട് വിക്കറ്റിന് ഗവ. ബ്രണ്ണൻ കോളജിനെ പരാജയപ്പെടുത്തി. ആദ്യം ബാറ്റ് ചെയ്ത ബ്രണ്ണൻ കോളജ് 31.3 ഓവറിൽ 115 റൺസിന് ഓൾ ഔട്ടായി. മുഹമ്മദ് കൈഫ് 22 റൺസെടുത്തു. സീഗൾസിനുവേണ്ടി കെ.വി. ബിജു 12 റൺസിന് നാല് വിക്കറ്റും പി. ജസ്ബീർ 15 റൺസിന് മൂന്നുവിക്കറ്റും മുഹമ്മദ് ആദിൽ 41 റൺസിന് രണ്ടുവിക്കറ്റും വീഴ്ത്തി. മറുപടിയായി സീഗൾസ് ക്രിക്കറ്റ് ക്ലബ് 17.5 ഓവറിൽ രണ്ട് വിക്കറ്റ് നഷ്ടത്തിൽ വിജയലക്ഷ്യം നേടി. വരുൺ നായനാർ 54 റൺസും എം.പി. വിഷ്ണു പുറത്താകാതെ 24 റൺസുമെടുത്തു. കെ.വി. ബിജുവിനെ മാൻ ഓഫ് ദി മാച്ചായി തിരഞ്ഞെടുത്തു. ശനിയാഴ്ച തലശ്ശേരി ബി.കെ 55 ക്രിക്കറ്റ് ക്ലബ് കണ്ണൂർ എസ്.എൻ കോളജിനെ നേരിടും.