കച്ചേരിക്കടവിൽ കാട്ടാനശല്യം രൂക്ഷം

ഇരിട്ടി: കർണാടക വനത്തോട് ചേർന്നുകിടക്കുന്ന അയ്യങ്കുന്ന് പഞ്ചായത്തിലെ കച്ചേരിക്കടവ് മേഖലയിൽ കാട്ടാനകൾ കൂട്ടമായി ഇറങ്ങി കൃഷി നശിപ്പിക്കുന്നു. ബാരപോൾ പുഴ കടന്നെത്തുന്ന ആനക്കൂട്ടം വാഴ, തെങ്ങ്, കശുമാവ് എന്നിവയാണ് നശിപ്പിച്ചത്. പ്രകാശൻ, തോമസ് എന്നിവരുടെ കൃഷിയിടങ്ങളിലാണ് കാട്ടാനക്കൂട്ടം പ്രധാനമായും നാശം വിതച്ചത്. ബീറ്റ് ഫോറസ്റ്റ് ഓഫിസർ കൃഷ്ണശ്രീ, പഞ്ചായത്ത് അംഗം മാത്തുകുട്ടി എന്നിവർ സ്ഥലം സന്ദർശിച്ചു.