പ്രതിഷേധ ധർണ

പയ്യന്നൂർ: പാചകവാതക സിലിണ്ടറിനും പൊട്രോൾ, ഡീസൽ ഉൽപന്നങ്ങൾക്കും വില വർധിപ്പിക്കുന്ന മോദി സർക്കാറിന്റെ നിലപാടുകൾക്കെതിരെ കോൺഗ്രസ് നടത്തുന്ന രാജ്യവ്യാപക പ്രക്ഷോഭത്തിന്റെ ഭാഗമായി വിവിധ കേന്ദ്രങ്ങളിൽ ബൂത്തടിസ്ഥാനത്തിൽ നടത്തി. പയ്യന്നൂർ മണ്ഡലം കോൺഗ്രസ് കമ്മിറ്റിയുടെ ധർണ പയ്യന്നൂർ ബ്ലോക്ക് പ്രസിഡന്റ് വി.സി. നാരായണൻ ഉദ്ഘാടനം ചെയ്തു. സി. അനിൽ കുമാർ അധ്യക്ഷത വഹിച്ചു. എം.ഇ. ദാമോദരൻ നമ്പൂതിരി, കെ.വി. ഭാസ്കരൻ, അത്തായി പത്മിനി, മോഹനൻ പുറച്ചേരി, വി.പി. കൃഷ്ണപൊതുവാൾ, ജനാർദനൻ കുറുവാട്ടിൽ എന്നിവർ സംസാരിച്ചു.