ബ്രദേഴ്സ് ക്രിക്കറ്റ് ക്ലബിന് ജയം

തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ബാബു അച്ചാരത്ത് മെമ്മോറിയൽ ട്രോഫി ജില്ല എ ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ എ.കെ. അംജിത്ത് അശ്വിന്റെ ഓൾറൗണ്ട് പ്രകടന മികവിൽ തലശ്ശേരി ബ്രദേഴ്സ് ക്രിക്കറ്റ് ക്ലബ് 15 റൺസിന് കണ്ണൂർ ഫോർട്ട് ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ബ്രദേഴ്സ് ക്രിക്കറ്റ് ക്ലബ് 35.2 ഓവറിൽ 129 റൺസിന് ഓൾ ഔട്ടായി. സി.ഒ.ടി. അഹമ്മദ് ഫർസീൻ 44 റൺസും പി.പി. മിഥുൻ 26 റൺസും എ.കെ. അംജിത്ത് അശ്വിൻ 25 റൺസുമെടുത്തു. ഫോർട്ടിനുവേണ്ടി ജിതിൻ ജയാനന്ദൻ 21 റൺസിന് നാല് വിക്കറ്റും പി.വി. അതുൽ ബാബു, ഗൗതം വേണുഗോപാൽ എന്നിവർ രണ്ട് വിക്കറ്റ് വീതവും വീഴ്ത്തി. മറുപടിയായി ഫോർട്ട് ക്രിക്കറ്റ് ക്ലബ് 26.2 ഓവറിൽ 114 റൺസിന് ഓൾ ഔട്ടായി. സി.പി. സജിത്ത് പുറത്താകാതെ 71 റൺസെടുത്തു.