വേനൽ മഴയും കാറ്റും; മലയോരത്ത് കനത്ത നാശനഷ്ടം

കേളകം: മലയോരത്ത് ബുധനാഴ്ച രാത്രി എട്ടോടെ ഉണ്ടായ ശക്തമായ കാറ്റിലും മഴയിലും കനത്ത നാശനഷ്ടം. വളയംചാൽ മേഖലയിൽ ശക്തമായ കാറ്റിൽ വർഗീസ് നടപ്പുറത്തിന്റെ വീടിന് മേലെ മരങ്ങൾ വീണു. റബർതോട്ടത്തിലെ മരങ്ങൾ കൂട്ടത്തോടെ കടപുഴകി. ശക്തമായ കാറ്റിലും മഴയിലും പേരാവൂർ മേഖലയിൽ മരങ്ങൾ വീണ് വൈദ്യുതി പോസ്റ്റുകൾ തകർന്ന് വീണ് കൊട്ടം ചുരം - മണത്തണ പാതയിൽ ഗതാഗതം തടസ്സപ്പെട്ടു. കേളകം വൈദ്യുതി സെക്ഷനിൽ 8 സ്ഥലങ്ങളിൽ ഹൈടെൻഷൻ ലൈനിലും 30 ഓളം സ്ഥലങ്ങളിൽ ലോ ടെൻഷൻ ലൈനിലും മരങ്ങൾ വീണ് വൈദ്യുതി വിതരണം താറുമാറായി. വൈദ്യുതി വിതരണം തടസ്സപ്പെട്ട് മലയോര ഗ്രാമങ്ങൾ ഇരുട്ടിലായി. photo: WA0134: കേളകം സെക്ഷനിൽ മരം കടപുഴകി വീണ് വൈദ്യുതി ലൈൻ തകർന്ന നിലയിൽ