ഫിഷിങ് ഹാർബർ നിർമാണം പൂർത്തിയാക്കണം -എസ്.ടി.യു

മാഹി: വർഷങ്ങൾക്ക് മുമ്പ് നിർത്തിവെച്ച മാഹി ഫിഷിങ് ഹാർബർ നിർമാണം ഉടൻ പൂർത്തീകരിച്ച് മത്സ്യബന്ധനത്തിനായി തുറന്നുനൽകണമെന്ന് മാഹി മേഖല സ്വതന്ത്ര മത്സ്യത്തൊഴിലാളി യൂനിയൻ (എസ്.ടി.യു) കൺവെൻഷൻ ആവശ്യപ്പെട്ടു. എസ്.ടി.യു ദേശീയ വൈസ് പ്രസിഡൻറ് പി. യൂസഫ് ഉദ്ഘാടനം ചെയ്തു. സി.വി. സമീർ വളവിൽ അധ്യക്ഷത വഹിച്ചു. എ.വി. ഇസ്മായിൽ, കെ. അൻസാർ, ടി.ജി. കരീം, എ.വി. നസീർ, എ.വി. അബ്ദുൽ സലാം, സി.പി. ഹാരിസ്, സി.പി. ബഷീർ, സി.പി. റഹീം, എന്നിവർ സംസാരിച്ചു.