ചരി​ത്രപ്രദർശനവും പുസ്​തകോത്സവവും

കണ്ണൂർ: പാര്‍ട്ടി കോണ്‍ഗ്രസിൻറ ഭാഗമായി സംഘടിപ്പിക്കുമെന്ന്​ സി.പി.എം ജില്ല സെക്രട്ടറി എം.വി. ജയരാജൻ വാർത്തസമ്മേളനത്തിൽ അറിയിച്ചു. 'ചരിത്രം ഒരു സമരായുധം' എന്ന ചരിത്ര-ചിത്ര-ശില്‍പപ്രദര്‍ശനം മാര്‍ച്ച് 30ന് വൈകീട്ട്​ അഞ്ചിന്​ കലക്ടറേറ്റ് മൈതാനിയില്‍ ചരിത്രകാരന്‍ ഡോ. രാജന്‍ ഗുരുക്കള്‍ ഉദ്ഘാടനം ചെയ്യും. പുസ്തകോത്സവം ഏപ്രില്‍ ഒന്നിന് വൈകീട്ട്​ 5.30ന്​ സാഹിത്യകാരൻ ടി. പത്മനാഭന്‍ ഉദ്ഘാടനം ചെയ്യും. ചരിത്രപ്രദര്‍ശനത്തില്‍ സാര്‍വദേശീയം, ദേശീയം, കേരളം, കണ്ണൂര്‍ എന്നിങ്ങനെ വിവിധ മേഖലകളിലെ പ്രധാനപ്പെട്ട സംഭവങ്ങളുടെ വിവരണം പ്രശസ്തരായ 11 ശില്‍പികളുടെയും 44 ചിത്രകാരന്മാരുടെയും മറ്റ് സാങ്കേതിക വിദഗ്ധരുടെയും സഹായത്തോടുകൂടിയാണ് ഒരുക്കിയിരിക്കുന്നത്. പുസ്തക പ്രകാശനങ്ങളും അനുബന്ധ പരിപാടികളും പുസ്തകോത്സവത്തിന്റെ ഭാഗമായി നടക്കും. പുസ്തകങ്ങള്‍ വിലക്കുറവിൽ മേളയിൽ ലഭ്യമാകുമെന്നും ജയരാജൻ അറിയിച്ചു.