എം.എസ്.എഫ് നേതൃസംഗമം

പയ്യന്നൂർ: എം.എസ്.എഫ് പയ്യന്നൂർ നിയോജകമണ്ഡലം വേര് നേതൃസംഗമം മുസ്‌ലിം ലീഗ് കണ്ണൂർ ജില്ല സെക്രട്ടറി കെ.ടി. സഹദുല്ല ഉദ്ഘാടനം ചെയ്തു. മണ്ഡലം പ്രസിഡൻറ് അൻവർ ഷക്കീർ അധ്യക്ഷത വഹിച്ചു. എം.എസ്.എഫ് സംസ്ഥാന വൈസ് പ്രസിഡന്റ് ഷജീർ ഇഖ്ബാൽ മുഖ്യപ്രഭാഷണം നടത്തി. സംസ്ഥാന പ്രവർത്തകസമിതി അംഗം ഇർഷാദ് താനൂർ കാമ്പയിൻ പ്രവർത്തനങ്ങൾ വിശദീകരിച്ചു. മണ്ഡലം മുസ് ലിം ലീഗ് പ്രസിഡൻറ് എസ്.എ. ഷുക്കൂർ ഹാജി, മുനിസിപ്പൽ ജനറൽ സെക്രട്ടറി ലത്തീഫ് കോച്ചൻ, മണ്ഡലം യൂത്ത്‌ ലീഗ് ജനറൽ സെക്രട്ടറി ജിയാസ് വെള്ളൂർ, ഹരിത കണ്ണൂർ ജില്ല ട്രഷറർ തഹ്സീന ഖാത്തിം, യു.കെ. മുഹമ്മദ് കുഞ്ഞി എന്നിവർ സംസാരിച്ചു. സക്കീർ മാതമംഗലം സ്വാഗതവും ശമ്മാസ് ദാവൂദ് നന്ദിയും പറഞ്ഞു.