യു.ഡി.എഫ് വിശദീകരണ യോഗം

പാനൂർ: നഗരസഭയിലെ വസ്തു നികുതി സംബന്ധിച്ച് എൽ.ഡി.എഫും ബി.ജെ.പിയും നടത്തുന്നത് കുപ്രചാരണങ്ങളാണെന്ന് യു.ഡി.എഫ്. വിശദീകരണ യോഗം ജില്ല ചെയർമാൻ പി.ടി. മാത്യു ഉദ്ഘാടനം ചെയ്തു. എൽ.ഡി.എഫ് സർക്കാർ തീരുമാനിച്ച വസ്തു നികുതി പരിഷ്കാരമാണ് നഗരസഭ നടപ്പാക്കുന്നതെന്നും ജനദ്രോഹ നടപടികളിൽനിന്ന് സർക്കാർ പിന്നോട്ടുപോകണമെന്നും നേതാക്കൾ പറഞ്ഞു. പി.പി.എ. സലാം അധ്യക്ഷത വഹിച്ചു. നഗരസഭ ചെയർമാൻ വി. നാസർ, വൈസ് ചെയർപേഴ്സൻ പ്രീത അശോക്, വി. സുരേന്ദ്രൻ, പി.കെ. ഷാഹുൽ ഹമീദ്, സന്തോഷ് കണ്ണംവെള്ളി, ടി.കെ. ഹനീഫ, പി.കെ. ഇബ്രാഹിം ഹാജി, ടി.ടി. രാജൻ, കെ. രമേശൻ എന്നിവർ സംസാരിച്ചു. കെ.പി. ഹാഷിം സ്വാഗതം പറഞ്ഞു.