പണിമുടക്ക്​: പ്രകടനവും പൊതുയോഗവും

kuwj prakadanam - ദേശീയ പണിമുടക്കിന് ഐക്യദാര്‍ഢ്യം പ്രഖ്യാപിച്ച് കെ.യു.ഡബ്ല്യു.ജെ, കെ.എന്‍.ഇ.എഫ് കോഓഡിനേഷന്‍ കമ്മിറ്റി നടത്തിയ പൊതുയോഗം കണ്ണൂര്‍ പഴയ ബസ്​സ്റ്റാൻഡ്​ പരിസരത്ത് സി.ഐ.ടി.യു സംസ്ഥാന സെക്രട്ടറി കെ.പി. സഹദേവന്‍ ഉദ്ഘാടനം ചെയ്യുന്നു കണ്ണൂര്‍: ദേശീയ പണിമുടക്കിന് ഐക്യദാര്‍ഢ്യം പ്രഖ്യാപിച്ച് മാധ്യമ പ്രവര്‍ത്തകരുടെയും ജീവനക്കാരുടെയും നേതൃത്വത്തില്‍ പ്രകടനവും പൊതുയോഗവും നടത്തി. കെ.യു.ഡബ്ല്യു.ജെ, കെ.എന്‍.ഇ.ഫ് കോഓഡിനേഷന്‍ കമ്മിറ്റി പ്രകടനം നടത്തി. കണ്ണൂര്‍ പഴയ ബസ്​സ്റ്റാൻഡ്​ പരിസരത്ത് പൊതുയോഗം സി.ഐ.ടി.യു സംസ്ഥാന സെക്രട്ടറി കെ.പി. സഹദേവന്‍ ഉദ്ഘാടനം ചെയ്തു. കെ.യു.ഡബ്ല്യു.ജെ ജില്ല പ്രസിഡന്റ് എ.കെ. ഹാരിസ് അധ്യക്ഷത വഹിച്ചു. എസ്.ടി.യു ദേശീയ വൈസ് പ്രസിഡന്റ് എം.എ. കരീം, എ.ഐ.ടി.യു.സി സംസ്ഥാന വൈസ് പ്രസിഡന്റ് താവം ബാലകൃഷ്ണന്‍, കബീര്‍ കണ്ണാടിപ്പറമ്പ്, പി. അജീന്ദ്രന്‍ എന്നിവർ സംസാരിച്ചു. കെ. മധു സ്വാഗതവും ടി.കെ.എ. ഖാദര്‍ നന്ദിയും പറഞ്ഞു.