'ഹിജാബ്; കോടതി വിധി നിരാശജനകം'

പഴയങ്ങാടി: 'ഹിജാബ് നിരോധം ശരിവെച്ച കോടതി വിധി മൗലികാവകാശ ലംഘനം' എന്ന വിഷയത്തിൽ ജമാഅത്തെ ഇസ്​ലാമി വനിത വിഭാഗം മാടായി ഏരിയ ചർച്ച സദസ്സ് സംഘടിപ്പിച്ചു. മാട്ടൂൽ പഞ്ചായത്ത് പ്രസിഡന്‍റ്​ ഫാരിഷ ഉദ്ഘാടനം ചെയ്തു. ഹിജാബ് വിഷയത്തിൽ കർണാടക ഹൈകോടതി വിധി നിരാശജനകമാണെന്നും ഇഷ്ടമുള്ള വസ്ത്രം ധരിക്കാനും മതം ആചരിക്കാനും ഭരണഘടന വകവെച്ചു തരുന്ന മൗലികാവകാശങ്ങളുടെ ലംഘനമാണിതെന്നും അവർ പറഞ്ഞു. ജമാഅത്തെ ഇസ്​ലാമി വനിത വിഭാഗം ജില്ല പ്രസിഡന്‍റ്​ പി.ടി.പി. സാജിദ വിഷയാവതരണം നടത്തി. എസ്.എൽ.പി. ആയിഷ അധ്യക്ഷതവഹിച്ചു. ലമീസ്, അയിഷാബി ഒടിയിൽ, ഇന്ദിര, ശ്രീജ, രജനി, ശരീഫ ഹാരിസ്, എം.പി. സാജിദ എന്നിവർ സംസാരിച്ചു. എ.കെ. റുഫൈദ സ്വാഗതവും ഫരീദ മജീദ് നന്ദിയും പറഞ്ഞു.