ആന്തൂർ നഗരസഭ ഓഫിസിനു മുന്നിൽ യു.ഡി.എഫ് ധർണ

തളിപ്പറമ്പ്: അർബുദ രോഗികളുടെയും സ്ഥലത്ത് ഇല്ലാത്തവരുടെയും സാമൂഹിക പെൻഷൻ തട്ടിയെടുത്ത വാർഡ് കൗൺസിലറെ പുറത്താക്കണമെന്നാവശ്യപ്പെട്ട് ആന്തൂർ മണ്ഡലം യു.ഡി.എഫിന്റെ ആഭിമുഖ്യത്തിൽ നഗരസഭ ഓഫിസിനു മുന്നിൽ ധർണ സംഘടിപ്പിച്ചു. മുൻ ഡി.സി.സി പ്രസിഡൻറ് സതീശൻ പാച്ചേനി ഉദ്ഘാടനം ചെയ്തു. സമദ് കടമ്പേരി അധ്യക്ഷതവഹിച്ചു. എ.എൻ. ആന്തൂരാൻ, അലി മഖർ, പി.എം. പ്രേംകുമാർ, വത്സൻ കടമ്പേരി, ടി. ജനാർദനൻ, മുഹ്സിൻ ബക്കളം തുടങ്ങിയവർ സംസാരിച്ചു.