ധർമ മീമാംസ പരിഷത്തും ജില്ല കൺവെൻഷനും

തലശ്ശേരി: ശ്രീനാരായണ ധർമസംഘം ട്രസ്റ്റ് ഗുരുധർമ പ്രചാരണ സഭയുടെ ആഭിമുഖ്യത്തിൽ 18ന് വൈകീട്ട് മൂന്നിന് തലശ്ശേരി ഗോകുലം ഫോർട്ട് ഹാളിൽ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. ശിവഗിരി ശാരദ പ്രതിഷ്ഠയുടെ വാർഷികാഘോഷങ്ങളുടെ മുന്നോടിയായി, നടരാജ ഗുരുവിന്റെ 49ാം സമാധി ദിനത്തിൽ നടക്കുന്ന പരിപാടി ഗുരുപ്രസാദ് സ്വാമികൾ ഉദ്ഘാടനം ചെയ്യും. ജില്ല പ്രസിഡന്റ് മോഹനൻ പൊന്നമ്പത്ത് അധ്യക്ഷത വഹിക്കും. വാർത്തസമ്മേളനത്തിൽ എം. ബാലൻ, വി.കെ. ഭാസ്കരൻ മാസ്റ്റർ, പി.പി. രാമനാഥൻ, രഞ്ജിത്ത് പുന്നോൽ, സി.എച്ച്. അനൂപ്, സ്വാമി പ്രേമാനന്ദ് എന്നിവർ സംബന്ധിച്ചു.