'അനധികൃത പാർക്കിങ്: നടപടി വേണം'

മട്ടന്നൂര്‍: തലശ്ശേരി റോഡില്‍ ഓട്ടോറിക്ഷ പാര്‍ക്ക് ചെയ്യുന്ന സ്ഥലത്ത് സ്വകാര്യ വാഹനങ്ങള്‍ നിര്‍ത്തിയിടുന്നതിനെതിരെ നടപടി സ്വീകരിക്കണമെന്ന് ഓട്ടോറിക്ഷ ഡ്രൈവേഴ്സ് യൂനിയന്‍ ഐ.എന്‍.ടി.യു.സി മട്ടന്നൂര്‍ ഡിവിഷന്‍ കമ്മിറ്റി ആവശ്യപ്പെട്ടു. ഓട്ടോറിക്ഷകള്‍ റോഡില്‍ പാര്‍ക്ക് ചെയ്യേണ്ട സാഹചര്യമാണ് നിലവിലുള്ളത്. നഗരസഭക്ക് അകത്ത് സ്ഥാപിച്ച നോ പാര്‍ക്കിങ് ബോര്‍ഡിന് താഴെ വാഹനങ്ങള്‍ പാര്‍ക്ക് ചെയ്യുന്നതിനെതിരെ നടപടി സ്വീകരിക്കണമെന്നും ആവശ്യപ്പെട്ടു. ടി. ദിനേശന്‍ അധ്യക്ഷത വഹിച്ചു. എന്‍. സുജിത്ത്, അഷറഫ്, എം. ഷാജി, എന്‍.കെ. മോഹനന്‍, സുനില്‍കുമാര്‍ വെമ്പടി എന്നിവര്‍ സംസാരിച്ചു.