സ്വകാര്യ ബസ് തൊഴിലാളികളുടെ കലക്ടറേറ്റ് മാർച്ചും ധർണയും

കണ്ണൂർ: കോവിഡിലും ഇന്ധന വിലവർധനയിലും പ്രതിസന്ധിയിലായ സ്വകാര്യ ബസ് വ്യവസായത്തെയും തൊഴിലാളികളെയും സംരക്ഷിക്കാൻ സർക്കാർ പ്രത്യേക പുനരുദ്ധാരണ പാക്കേജ് പ്രഖ്യാപിക്കണമെന്നാവശ്യപ്പെട്ട് തൊഴിലാളികൾ കലക്ടറേറിലേക്ക് മാർച്ചും ധർണയും നടത്തി. ബസ് തൊഴിലാളികളുടെ തൊഴിലും കൂലിയും സംരക്ഷിക്കുക, ക്ലീനർ തസ്തിക നിലനിർത്തുക തുടങ്ങിയ ആവശ്യങ്ങളും ഉന്നയിച്ചു. കേരള സ്റ്റേറ്റ് ബസ് ട്രാൻസ്പോർട്ട് വർക്കേഴ്സ് ഫെഡറേഷൻ നേതൃത്വത്തിൽ നടത്തിയ മാർച്ചും ധർണയും സംസ്ഥാന സെക്രട്ടറി കെ.പി. സഹദേവൻ ഉദ്ഘാടനം ചെയ്തു. പി. ചന്ദ്രൻ അധ്യക്ഷത വഹിച്ചു. മോട്ടോർ ട്രാൻസ്പോർട്ട് എംപ്ലോയീസ് യൂനിയൻ ജനറൽ സെക്രട്ടറി കെ. ജയരാജൻ സ്വാഗതം പറഞ്ഞു. സി.ഐ.ടി.യു ജില്ല വൈസ് പ്രസിഡന്‍റ് വൈ.വൈ. മത്തായി, എൻ. മോഹനൻ, സി.എച്ച്. ലക്ഷ്മണൻ, യു. നാരായണൻ, വി.പി. മുകുന്ദൻ, എം. രാജൻ, വി.വി. പുരുഷോത്തമൻ എന്നിവർ സംസാരിച്ചു. photo: sandeep