വിദ്യാർഥികൾക്ക് പഠനോപകരണ വിതരണം

പാനൂർ: നഗരസഭയിലെ വിദ്യാർഥികൾക്കുള്ള മേശ, കസേര എന്നിവ വിതരണം ചെയ്തു. 18 വിദ്യാർഥികൾക്കാണ് മേശയും കസേരയും വിതരണം ചെയ്തത്. പാനൂർ ഗവ. എൽ.പി സ്കൂളിൽ നഗരസഭ ചെയർമാൻ വി. നാസർ ഉദ്ഘാടനം ചെയ്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൻ ഉമൈസ തിരുവമ്പാടി അധ്യക്ഷത വഹിച്ചു. ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ.പി. ഹാഷിം, വാർഡംഗങ്ങളായ നസീല കണ്ടിയിൽ, ശ്രീന പ്രമോദ്, സാവിത്രി, സജിത അനീവൻ, നഗരസഭ സൂപ്രണ്ട് ദീപ, എൻ.പി. സനില എന്നിവർ സംസാരിച്ചു.