ആറളം ഫാമിൽ ജനവാസകേന്ദ്രത്തിന് നടുവിൽ വീണ്ടും തീപിടിത്തം

പേരാവൂർ: ആറളം ഫാം മേഖലയിൽ വീണ്ടും തീപിടിത്തം. 12ാം ബ്ലോക്കിൽ ജനവാസ മേഖലക്ക്​ സമീപമാണ് തീപിടിത്തം ഉണ്ടായത്. പേരാവൂരിൽനിന്ന് അഗ്നി രക്ഷസേന സ്ഥലത്തെത്തി തീയണച്ചു. രണ്ടു മാസത്തിനിടെ പത്തോളം തീപിടിത്തങ്ങളാണ് ഫാമിൽ ഉണ്ടായിട്ടുള്ളത്. കഴിഞ്ഞ ദിവസങ്ങളിലും ഫാമിൽ തീപിടിത്തം ഉണ്ടാകുകയും ഏക്കർകണക്കിന് കശുമാവിൻ തോട്ടം കത്തി നശിക്കുകയും ചെയ്തിരുന്നു.