ശുചീകരണം ഇന്ന്

ഇരിട്ടി: പായം പഞ്ചായത്തിന്റെ 'എന്റെ പായം മാലിന്യമുക്ത പായം' പദ്ധതിയുടെ ഭാഗമായി തലശ്ശേരി-മൈസൂരു റൂട്ടിൽ ഇരിട്ടി പാലം മുതൽ വള്ളിത്തോട് ആശുപത്രി വരെയുള്ള 14 കിലോമീറ്ററിന്റെ ഇരുഭാഗങ്ങളിലും ജനകീയ പങ്കാളിത്തത്തോടെ ശനിയാഴ്ച ശുചീകരണ പ്രവൃത്തി തുടങ്ങും. പഞ്ചായത്തംഗങ്ങൾ, സി.ഡി.എസ്, എ.ഡി.എസ് അംഗങ്ങൾ, കുടുംബശ്രീ പ്രവർത്തകർ, ഹരിതകർമ സേന, പൊലീസ്, എൻ.എസ്.എസ് വളന്റിയർമാർ, രാഷ്ട്രീയ-സാംസ്കാരിക സംഘടനകൾ, യുവജനസംഘടനകൾ, വ്യാപാരികൾ എന്നിവർ അണിനിരക്കുമെന്ന് ഭാരവാഹികളായ പി. രജനി, എം. വിനോദ് കുമാർ, വി. പ്രമീള, പി. സാജിദ്, ഷൈജൻ ജേക്കബ് എന്നിവർ വാർത്തസമ്മേളനത്തിൽ അറിയിച്ചു.