മിനിലോറി നിയന്ത്രണംവിട്ട് മറിഞ്ഞു

വാഹനത്തില്‍ ഉണ്ടായിരുന്ന രണ്ടുപേർ ചാടിരക്ഷപ്പെട്ടു കൊട്ടിയൂര്‍: വെങ്ങലോടി കോളനി റോഡില്‍ മിനി ഹിറ്റാച്ചി കയറ്റിപ്പോവുകയായിരുന്ന ലോറി മറിഞ്ഞു. വാഹനത്തിലുണ്ടായിരുന്നവർ പരിക്കേൽക്കാതെ രക്ഷപ്പെട്ടു. കോളനിക്ക് സമീപമുള്ള കയറ്റം കയറുന്നതിനിടെ ലോറിയുടെ എൻജിൻ നിലച്ച് നിയന്ത്രണം നഷ്ടപ്പെട്ട് തൊട്ടടുത്ത പറമ്പിലേക്ക് മറിയുകയുമായിരുന്നു. ഈ സമയം വാഹനത്തില്‍ ഉണ്ടായിരുന്ന രണ്ടുപേർ ചാടിരക്ഷപ്പെട്ടു. വ്യാഴാഴ്ച രാവിലെ എട്ടരയോടെയാണ് അപകടം.