കലാജാഥക്ക് സ്വീകരണം നൽകി

പയ്യന്നൂർ: 'സ്ത്രീപക്ഷ നവകേരളം' ആശയവുമായി കുടുംബശ്രീ ജില്ല മിഷൻ സംഘടിപ്പിച്ച സ്ത്രീശക്തി കലാജാഥക്ക് പയ്യന്നൂരിൽ സ്വീകരണം നൽകി. ഷേണായി സ്ക്വയറിൽ നടന്ന സ്വീകരണം നഗരസഭ ചെയർപേഴ്സൻ കെ.വി. ലളിത ഉദ്ഘാടനം ചെയ്തു. വൈസ് ചെയർമാൻ പി.വി. കുഞ്ഞപ്പൻ അധ്യക്ഷത വഹിച്ചു. സ്ഥിരംസമിതി ചെയർമാൻമാരായ വി. ബാലൻ, സി. ജയ, ടി.പി. സമീറ, വി.വി. സജിത, കുടുംബശ്രീ സി.ഡി.എസ് ചെയർപേഴ്സൻ പി.പി. ലീല, സിറ്റിമിഷൻ മാനേജർ ബിനീഷ് ജോയി, സി.ഡി.എസ് വൈസ് ചെയർപേഴ്സൻ കെ.വി. പ്രീതി, മെംബർ സെക്രട്ടറി എൻ.വി. പ്രീത എന്നിവർ സംസാരിച്ചു. തുടർന്ന് കുടുംബശ്രീ കലാകാരികളുടെ നാടകവും സംഗീതശിൽപവും അരങ്ങേറി.