ലഹരിവിരുദ്ധ കാമ്പയിൻ

ഇരിട്ടി: വീർപ്പാട് ശ്രീനാരായണഗുരു കോളജ് ഓഫ് ആർട്‌സ് ആൻഡ് സയൻസ്, ലഹരിവിരുദ്ധ ക്ലബ്, എൻ.എസ്.എസ് യൂനിറ്റ്, എക്‌സൈസ് വകുപ്പ് എന്നിവയുടെ നേതൃത്വത്തിൽ നടത്തിയ ലഹരിവിരുദ്ധ കാമ്പയിനും ഫ്ലാഷ് മോബും ഇരിട്ടി നഗരസഭ ചെയർപേഴ്‌സൻ കെ. ശ്രീലത ഉദ്ഘാടനം ചെയ്തു. പ്രിൻസിപ്പൽ ഡോ. സി. ജനാർദനൻ അധ്യക്ഷത വഹിച്ചു. എക്‌സൈസ് ഇൻസ്‌പെക്ടർ സി. രഞ്ജിത്, പി.കെ. സജേഷ്, ലഹരിവിരുദ്ധ കൺവീനർ എം.ആർ. നിധിൻ, എൻ.എസ്.എസ് കോഓഡിനേറ്റർ മഹിത മോഹനൻ എന്നിവർ സംസാരിച്ചു .