ലഹരിവിൽപനക്കെതിരെ നടപടിയെടുക്കണം

ചാലാട്: വിദ്യാഭ്യാസസ്ഥാപനങ്ങളും ആരാധനാലയങ്ങളും സ്ഥിതിചെയ്യുന്ന ചാലാട് ടൗൺ പ്രദേശത്ത് വ്യാപാരസ്ഥാപനങ്ങൾ കേന്ദ്രീകരിച്ച് നടക്കുന്ന ലഹരിവിൽപനക്കെതിരെ നടപടിയെടുക്കണമെന്ന് കോർപറേഷൻ 54ാം ഡിവിഷൻ ജനകീയ കമ്മിറ്റി ആവശ്യപ്പെട്ടു. കൗൺസിലർ കെ.പി. റാഷിദി​ന്‍റെ അധ്യക്ഷതയിൽ ചേർന്ന യോഗത്തിൽ വർഡ്തല കർമസമിതി രൂപവത്കരിച്ചു. എക്സൈസ് ഓഫിസർ റിഷാദ് ചാലാട്, കെ.എൻ. കുഞ്ഞാമു, സി. ഷാജി, എം.കെ.പി. സിറാജ്, പി.കെ. ഉബൈദ് എന്നിവർ സംസാരിച്ചു.