അഴിയൂരിൽ കാർഷിക നഴ്സറിക്ക് തുടക്കം

മാഹി: അഴിയൂരിൽ തൊഴിലുറപ്പ് പദ്ധതിയിൽ ഉൾപ്പെടുത്തി രണ്ടാം വാർഡിൽ ജി.എം.ജെ.ബി സ്കൂളിൽ നഴ്സറി ആരംഭിച്ചു. 10ഓളം തൊഴിലാളികൾ ചേർന്ന് 10 സൻെറ് ഭൂമിയിൽ 12 ബെഡുകളിലായാണ് 18തരം ചെടികൾ വളർത്തുന്ന നഴ്സറി ആരംഭിച്ചത്. ലക്ഷ്മിതരു, പൂവരശ്, മുള, മന്ദാരം, പേര തുടങ്ങിയ ചെടികളാണ് നട്ടുവളർത്തുന്നത്. ഏഴാം വാർഡ്‌ മേറ്റ് സുധയുടെ നേതൃത്വത്തിൽ തൊഴിലാളികൾക്ക് പ്രത്യേക പരിശീലനം നൽകിയിരുന്നു. നഴ്സറിയുടെ വിത്ത് നടീൽ ഉദ്ഘാടനം പഞ്ചായത്ത് പ്രസിഡൻറ് ആയിഷ ഉമ്മർ നിർവഹിച്ചു. വാർഡ്‌ മെംബർ സാജിദ് നെല്ലോളി, പഞ്ചായത്ത് സെക്രട്ടറി ടി. ഷാഹുൽ ഹമീദ്, ജോ. ബി.ഡി.ഒ രഗീഷ്, ബ്ലോക്ക് തൊഴിലുറപ്പ് എ.ഇ ഷിബിന, പഞ്ചായത്ത് തൊഴിലുറപ്പ് എ.ഇ അർഷിന, മേറ്റ് പ്രേമലത എന്നിവർ സംസാരിച്ചു.