നമ്പ്യാത്രക്കൊവ്വൽ ശിവക്ഷേത്രത്തിൽ കെടാവിളക്ക് തെളിഞ്ഞു

പയ്യന്നൂർ: ശിവരാത്രി നാളിൽ നമ്പ്യാത്രക്കൊവ്വൽ ശിവക്ഷേത്രത്തിൽ പയ്യന്നൂർ പെരുമാൾ സേവാസംഘം കെടാവിളക്ക് സമർപ്പിച്ചു. ക്ഷേത്ര തിരുമുറ്റത്ത് സ്ഥാപിച്ച കെടാവിളക്കിൽ വാരണാസി ഇല്ലത്ത് മാധവൻ നമ്പൂതിരിയും പേർക്കുളം സുബ്രഹ്മണ്യൻ നമ്പൂതിരിയും ദീപം തെളിച്ചു. ക്ഷേത്രം നടപ്പന്തലിൽ നടന്ന സമർപ്പണ ചടങ്ങിൽ ട്രസ്റ്റി ബോർഡ് ചെയർമാൻ ടി.പി. സുനിൽകുമാർ അധ്യക്ഷത വഹിച്ചു. പെരുമാൾ സേവാസംഘം സെക്രട്ടറി മണി സുബ്രഹ്മണ്യത്തെ ആദരിച്ചു. ട്രസ്റ്റി ബോർഡ് അംഗങ്ങളായ ആർ.എം. ശങ്കരനാരായണൻ തിരുമുമ്പ്, ബി. വിജയൻ, പി.യു. രമേശൻ, പി. പ്രശാന്തൻ, ഗിരീശൻ അയ്യർ എന്നിവർ സംസാരിച്ചു. ക്ഷേത്രം എക്സിക്യൂട്ടിവ് ഓഫിസർ സി.പി. ബീന സ്വാഗതം പറഞ്ഞു.