കെ-റെയിൽ: മുഖ്യമന്ത്രിയുടെ ധാർഷ്ട്യം നടപ്പില്ല -എസ്. രാജീവൻ

തലശ്ശേരി: കെ-റെയിലിൽ മുഖ്യമന്ത്രിയുടെ ധാർഷ്ട്യം നടപ്പാക്കാൻ അനുവദിക്കില്ലെന്ന് കെ-റെയിൽ വിരുദ്ധ സംസ്ഥാന ജനറൽ കൺവീനർ എസ്. രാജീവൻ. പൊലീസിനെ ഉപയോഗിച്ച് സമരത്തെ നേരിടുകയാണ്. ജനകീയ ചെറുത്തുനിൽപുകൾ വളർത്തിയെടുത്ത് പ്രതിരോധിക്കുമെന്നും അദ്ദേഹം പറഞ്ഞു. മർച്ചൻറ്സ് അസോസിയേഷൻ ഹാളിൽ നടന്ന യോഗത്തിൽ സമരസമിതി ജില്ല ജോ. സെക്രട്ടറി എം.കെ. ജയരാജൻ അധ്യക്ഷത വഹിച്ചു. അഡ്വ. സി.ടി. സജിത്ത്, അഡ്വ. കെ.എ. ലത്തീഫ്, ജയമോഹൻ, എ.പി. അജ്മൽ, അഡ്വ. ഇ. സനൂപ് എന്നിവർ സംസാരിച്ചു. മാർച്ച് നാലിന് തലശ്ശേരിയിൽ എത്തുന്ന കെ-റെയിൽ വിരുദ്ധ സംസ്ഥാന സമരജാഥക്ക് തലശ്ശേരി പുതിയ ബസ് സ്റ്റാൻഡിൽ സ്വീകരണം നൽകും. പടം.....കെ-റെയിൽ സിൽവർ ലൈൻ വിരുദ്ധ ജനകീയസമിതി തലശ്ശേരി മേഖല കമ്മിറ്റി രൂപവത്കരണം സംസ്ഥാന ജനറൽ കൺവീനർ എസ്. രാജീവൻ ഉദ്ഘാടനം ചെയ്യുന്നു