അശ്ലീല സീഡി: കടയുടമയെ ശിക്ഷിച്ചു

ശ്രീകണ്ഠപുരം: അശ്ലീല സീഡികളും സിനിമകളുടെ വ്യാജ സീഡികളും വില്‍പന നടത്തിയ കേസില്‍ കുടിയാൻമലയിലെ സീഡി കടയുടമക്ക് തടവും പിഴയും. കുടിയാന്‍മല ടൗണിലെ ശാലോം സീഡി സെന്റര്‍ ഉടമ ഇടശേരിയില്‍ ആന്റണി എന്ന ബിജുവിനെയാണ് തളിപ്പറമ്പ് ജുഡീഷ്യല്‍ ഒന്നാംക്ലാസ് മജിസ്‌ട്രേറ്റ്​ സാജിദ് അണ്ടത്തോട് തച്ചന്‍ ശിക്ഷിച്ചത്. രണ്ടുമാസം തടവും 2000 രൂപ പിഴയുമാണ് ശിക്ഷ. 2011ല്‍ ആലക്കോട് സി.ഐയുടെ ചുമതലയുണ്ടായിരുന്ന ശ്രീകണ്ഠപുരം സി.ഐ ജോഷി ജോസാണ് സ്ഥാപനത്തിൽ പരിശോധന നടത്തി സീഡികള്‍ പിടിച്ചെടുത്തത്. പ്രോസിക്യൂഷനുവേണ്ടി അസി. പബ്ലിക് പ്രോസിക്യൂട്ടര്‍ എ.എം. ഷീജ ഹാജരായി.