നായനാർ മലയിൽ തീപിടിത്തം

ശ്രീകണ്ഠപുരം: ചെമ്പന്തൊട്ടി നായനാർ മലയിൽ സർക്കാർ ഏറ്റെടുത്ത ഭൂമിയിൽ വൻ തീപിടിത്തം. ഞായറാഴ്ച ഉച്ചകഴിഞ്ഞാണ് സംഭവം. തീപിടിത്തത്തിൽ ദുരൂഹതയുണ്ട്. പത്തേക്കറോളം സ്ഥലത്താണ് തീപിടിത്തമുണ്ടായത്. സംഭവമറിഞ്ഞ്​ ചെമ്പന്തൊട്ടി, കോറങ്ങോട്, കൊക്കായി, ഞണ്ണമല പ്രദേശത്തുള്ളവർ സ്ഥലത്തെത്തി. തളിപ്പറമ്പിൽ നിന്നെത്തിയ അഗ്നിരക്ഷ നിലയം സീനിയർ ഓഫിസർ ഫിലിപ് മാത്യുവിന്റെ നേതൃത്വത്തിലാണ് തീയണച്ചത്. ശ്രീകാന്ത്, പവിത്രൻ, പി.എ. അനൂപ്, കെ.പി. ഉമേഷ്, കെ.പി. ഭാസ്കരൻ, പി. ഗിരീഷ് എന്നിവരും തീയണച്ച സംഘത്തിലുണ്ടായിരുന്നു. .......