ഫണ്ട് ശേഖരണം ഉദ്ഘാടനം

പരിയാരം: ജില്ല നാഷനൽ സർവിസ് സ്കീമിന്‍റെ നേതൃത്വത്തിൽ ആദിവാസി വിഭാഗത്തിനായി പയ്യാവൂരിൽ നിർമിക്കുന്ന വിനോദ വിജ്ഞാന കേന്ദ്രത്തിന്റെ ഫണ്ട് ശേഖരണം ജില്ലതല ഉദ്ഘാടനം ഫെബ്രുവരി 21ന് രാവിലെ 10.30ന് കടന്നപ്പള്ളി ഗവ.ഹയർ സെക്കൻഡറി സ്കൂളിൽ നടക്കുമെന്ന്​ സംഘാടകർ വാർത്തസമ്മേളനത്തിൽ അറിയിച്ചു. മികച്ച ലൈബ്രറിയും കായിക വിനോദത്തിനായി ഗ്രൗണ്ടും പാർക്കും കലാ പ്രോത്സാഹനത്തിനായി കെട്ടിടവും നിർമിക്കും. ഫണ്ട് ശേഖരണ ഉദ്ഘാടനം ഡോ. വി. ശിവദാസൻ എം.പി നിർവഹിക്കും. വാർത്തസമ്മേളനത്തിൽ കെ. സന്തോഷ്​ കുമാർ, മനോജ് കൈപ്രത്ത്, ശ്രീധരൻ കൈതപ്രം, എം. രമണി എന്നിവർ പങ്കെടുത്തു.