സ്വീകരണം നൽകി

സ്വീകരണം നൽകികണ്ണൂർ: കെ–റെയിൽ കല്ലിടൽ തടഞ്ഞ കോർപറേഷൻ ഡെപ്യൂട്ടി മേയർ കെ. ഷബീന ടീച്ചർ അടക്കമുള്ള സമരനേതാക്കൾക്ക് കണ്ണൂക്കര കുളത്തിനടുത്ത് കെ–റെയിൽ സിൽവർ ലൈൻ വിരുദ്ധ ജനകീയ സമിതിയുടെ നേതൃത്വത്തിൽ സ്വീകരണം നൽകി. ആനയിടുക്ക് ബാങ്കിന് സമീപം ഹാരാർപ്പണം നടത്തിയശേഷം സമരനേതാക്കള ആനയിച്ച്​ പ്രകടനത്തോടെ കണ്ണൂക്കര കുളത്തിനടുത്ത് സ്വീകരണയോഗം നടത്തി. മുസ്​ലിം ലീഗ് ജില്ല ജനറൽ സെക്രട്ടറി അഡ്വ. അബ്ദുൽ കരീം ചേലേരി ഉദ്ഘാടനം ചെയ്തു. ജനകീയ സമിതി കണ്ണൂക്കര മേഖല യൂനിറ്റ് കൺവീനർ എം. ഷഫീക്ക് അധ്യക്ഷത വഹിച്ചു.