ഒഴിഞ്ഞ പറമ്പിൽ തീപിടിച്ചു

തളിപ്പറമ്പ്: മന്ന സെയ്ദാർ പള്ളിക്ക് സമീപത്തെ . തളിപ്പറമ്പ് അഗ്നിരക്ഷ സേനയും പൊലീസും ചേർന്ന് തീയണച്ചു. ഞായറാഴ്ച വൈകീട്ട് നാലോടെയാണ് സംഭവം. വാഹനയാത്രക്കാർ അഗ്നിരക്ഷ സേനയെ വിവരം അറിയിക്കുകയായിരുന്നു. മാലിന്യക്കൂമ്പാരത്തിന് തീയിട്ടപ്പോൾ പടർന്നുപിടിച്ചതാണെന്ന്​ സംശയിക്കുന്നു. തളിപ്പറമ്പ് അസി. ഗ്രേഡ് ഫയർ ഓഫിസർ കെ.വി. സഹദേവൻ, സേനാംഗങ്ങളായ കെ. രഞ്ജിത്ത്, സി. അവിനാഷ്, കിരൺകുമാർ, ടി. വിജയ്, തളിപ്പറമ്പ് എസ്.ഐ സജീവൻ, ഹോം ഗാർഡുമാരായ ടി. ചന്ദ്രൻ, സി.പി. രാജേന്ദ്രൻ എന്നിവരാണ് തീയണച്ച സംഘത്തിലുണ്ടായിരുന്നത്.