വാടക വർധനയിൽ വ്യാപാരികൾ പ്രതിഷേധിച്ചു

കേളകം: ക്രമാതീതമായ വാടക വർധനവിലൂടെ കെട്ടിട ഉടമകൾ വ്യാപാരികളെ ദ്രോഹിക്കുകയാണെന്ന് ആരോപിച്ചും വാടക വർധനവിന് ഏകീകൃത നയം നടപ്പിലാക്കണമെന്നാവശ്യപ്പെട്ടും കേളകത്ത് വ്യാപാരികൾ പ്രക്ഷോഭത്തിലേക്ക്. വെള്ളിയാഴ്ച വൈകീട്ട് നാലിന്​ വ്യാപാരികൾ ഒരുമണിക്കൂർ നേരം കടകളടച്ച് ടൗണിൽ പ്രതിഷേധ മാർച്ചും ബസ് സ്റ്റാൻഡ് പരിസരത്ത് ധർണയും നടത്തുമെന്ന് കെ.വി.വി.ഇ.എസ് യൂനിറ്റ് കമ്മിറ്റി ഭാരവാഹികൾ അറിയിച്ചു.