പ്ലാസ്റ്റിക് ഫ്രീ കണ്ണൂർ: ഹരിത നിയമ പാഠശാല

കണ്ണൂർ: പ്ലാസ്റ്റിക് ഫ്രീ കണ്ണൂർ കാമ്പയിന്റെ ഭാഗമായി പെരളശ്ശേരി ഗ്രാമപഞ്ചായത്ത് ഹരിത നിയമ പാഠശാല സംഘടിപ്പിച്ചു. ഹരിത കേരളം മിഷൻ ജില്ല കോഓഡിനേറ്റർ ഇ.കെ. സോമശേഖരൻ ഉദ്ഘാടനം ചെയ്തു. വാർഡ് തല വളന്‍റിയർമാർക്കാണ്​ പാഠശാലയിൽ പരിശീലനം നൽകിയത്. പരിശീലനം ലഭിച്ചവർ ഫെബ്രുവരി ഒമ്പത്​, 10 തീയതികളിലായി പഞ്ചായത്തിലെ എല്ലാ വിദ്യാലയങ്ങളിലും ഹരിത പാഠശാലകൾക്ക് നേതൃത്വം നൽകും. വളന്‍റിയർമാർക്ക്​ അഡ്വ. എ.പി. ഹംസക്കുട്ടി ക്ലാസെടുത്തു. പഞ്ചായത്ത് പ്രസിഡന്റ് എ.വി. ഷീബ അധ്യക്ഷത വഹിച്ചു. ഹരിത കേരളം മിഷൻ ജില്ല റിസോഴ്സ് പേഴ്‌സന്മാരായ കെ. നാരായണൻ, വി.കെ. അഭിജാത്, ലത കാണി, വൈസ് പ്രസിഡന്റ് വി. പ്രശാന്ത്, കെ.കെ. സുഗതൻ എന്നിവർ സംസാരിച്ചു.