Begin typing your search above and press return to search.
exit_to_app
exit_to_app
Posted On
date_range 9 Feb 2022 11:58 PM GMT Updated On
date_range 9 Feb 2022 11:58 PM GMTനാലുകിലോ കഞ്ചാവുമായി യുവാവ് പിടിയിൽ
text_fieldsപഴയങ്ങാടി: മാരുതി കാറിൽ കടത്തുകയായിരുന്ന 4.30 കിലോ കഞ്ചാവുമായി യുവാവിനെ എക്സൈസ് സംഘം പിടികൂടി. പരിയാരം ഹൈസ്കൂളിന് സമീപത്തെ ചേരയിൽ വീട്ടിൽ അശ്വിൻ രാജിനെയാണ് (23) പാപ്പിനിശ്ശേരി എക്സൈസ് ഇൻസ്പെക്ടർ എ. ഹേമന്ത് കുമാറും സംഘവും പിടികൂടിയത്. ചെറുകുന്നിൽനിന്നും രാമപുരം ഭാഗത്തേക്ക് പോവുകയായിരുന്ന കെ.എൽ 11 എൻ 1129 ചുവന്ന ആൾട്ടോ കാറിൽ കടത്തുകയായിരുന്ന കഞ്ചാവ് സഹിതം ഇയാൾ എരിപുരം സർക്കിളിനടുത്താണ് പിടിയിലായത്. സിവിൽ എക്സൈസ് ഓഫിസർ രജിരാഗിന് ലഭിച്ച രഹസ്യ വിവരത്തെത്തുടർന്ന് പഴയങ്ങാടി, മാട്ടൂൽ, എരിപുരം ഭാഗങ്ങളിൽ നടത്തിയ വാഹന പരിശോധനക്കിടയിലാണ് കാറിൽ കഞ്ചാവ് കടത്തുന്നത് കണ്ടെത്തിയത്. പ്രിവന്റിവ് ഓഫിസർ സന്തോഷ് തൂണോളി, സിവിൽ എക്സൈസ് ഓഫിസർമാരായ സി. ജിതേഷ്, പി.വി. രാഹുൽ, വി.വി. ശ്രിജിൻ എന്നിവരും എക്സൈസ് സംഘത്തിൽ ഉണ്ടായിരുന്നു. പയ്യന്നൂർ കോടതി ഇയാളെ റിമാൻഡ് ചെയ്തു. ------------------------------ ചിത്ര വിശദീകരണം: അശ്വിൻ രാജ്
Next Story