മാട്ടൂൽ ബിലാൽ മസ്ജിദ്-എസ്.സി ശ്മശാനം റോഡ് തുറന്നുകൊടുത്തു

പഴയങ്ങാടി: മാട്ടൂൽ ഗ്രാമപഞ്ചായത്ത് 16ാം വാർഡ് ബിലാൽ മസ്ജിദ് - എസ്.സി ശ്മശാനം റോഡ് പൊതുജനങ്ങൾക്കായി തുറന്നുകൊടുത്തു. മാട്ടൂൽ പഞ്ചായത്ത് എം. ജി.എൻ. ആർ. ഇ. ജി.ഇ പദ്ധതിയിൽ ഉൾപ്പെടുത്തിയാണ് കോൺക്രീറ്റ് പാകി പാതയൊരുക്കിയത്. മാട്ടൂൽ ഗ്രാമ പഞ്ചായത്ത്‌ വൈസ് പ്രസിഡന്റ് ഗഫൂർ മാട്ടൂൽ ഉദ്ഘാടനം ചെയ്തു. കോൺട്രാക്ടർ സുബേദ്, ഓവർസിയർ ഷഹന എന്നിവരെ വാർഡ് വികസന സമിതി ആദരിച്ചു. സി.എച്ച്. ഖൈറുന്നിസ, വി.ടി. ജേക്കബ്, കെ.വി. വിജയൻ, കെ.എസ്. ജോയ്, ഇ. ഹസ്ബുല്ല, സി.കെ. നദീർ, ഇ. അബ്ദുറഹ്മാൻ, കെ.പി. മുത്തലിബ്, എം.പി. സഫീർ, സി.കെ. മുസ്തഫ, ഹിബത്തുല്ല എന്നിവർ സംബന്ധിച്ചു. ചിത്ര വിശദീകരണം: മാട്ടൂൽ ഗ്രാമപഞ്ചായത്ത് പതിനാറാം വാർഡ് ബിലാൽ മസ്ജിദ് - എസ്.സി ശ്മശാനം റോഡ് മാട്ടൂൽ പഞ്ചായത്ത് വൈസ് പ്രസിഡൻറ് ഗഫൂർ മാട്ടൂൽ തുറന്നുകൊടുക്കുന്നു