ലഹരി വസ്തുക്കൾ പിടികൂടി

കൂത്തുപറമ്പ്: സ്റ്റേഷൻ പരിധിയിൽ പൊലീസ് നടത്തിയ പരിശോധനയിൽ ലഹരിവസ്തുക്കളുടെയും നിരോധിത പുകയില ഉൽപന്നങ്ങളുടെയും വൻശേഖരം പിടികൂടി. കൂത്തുപറമ്പ് ടൗൺ, അഞ്ചരക്കണ്ടി മാർക്കറ്റ്, തൊക്കിലങ്ങാടി, കൈതേരി എന്നിവിടങ്ങളിൽ പൊലീസ് നടത്തിയ പരിശോധനയിലാണ് യത്. വെള്ളിയാഴ്ച രാവിലെ കൂത്തുപറമ്പ് സി.ഐ ബിനുമോഹന്‍റെ നേതൃത്വത്തിൽ നീറോളിച്ചാലിൽ നടത്തിയ വാഹനപരിശോധനയിൽ 450 പാക്കറ്റ് ഹാൻസ് പിടികൂടിയിരുന്നു. കാറിൽ കടത്തുകയായിരുന്ന ലഹരി വസ്തുവാണ് പിടികൂടിയത്. ലഹരി വസ്തുക്കൾ ഉപയോഗിക്കുന്നതിന് നിർമിച്ച ഉപകരണങ്ങളും കഴിഞ്ഞദിവസം പൊലീസ് പിടിച്ചെടുത്തിരുന്നു.