കാട്ടുപന്നി ആക്രമണത്തിൽ കർഷകന് പരിക്ക്

കേളകം: കാട്ടുപന്നി ആക്രമണത്തിൽ കർഷകന് ഗുരുതര പരിക്കേറ്റു. നെടുംപുറംചാൽ സ്വദേശി കൊളശ്ശേരിയിൽ ജോണിനാണ് (കുഞ്ഞച്ചൻ) പരിക്കേറ്റത്. ഇദ്ദേഹത്തെ പേരാവൂരിലെ ആശുപത്രിയിൽ പ്രാഥമിക ശുശ്രൂഷ നൽകിയശേഷം തലശ്ശേരി ഇന്ദിരഗാന്ധി ആശുപത്രിയിലേക്ക് മാറ്റി. കഴിഞ്ഞദിവസം വൈകീട്ട് അഞ്ചോടെ വീട്ടുമുറ്റത്ത് പച്ചക്കറി നനക്കവേ കാട്ടുപന്നി പിന്നിൽനിന്ന് ആക്രമിക്കുകയായിരുന്നു.