മുസദ്ദിക്കിന് സെഞ്ച്വറി; രഞ്ജി, അപ്പാച്ചി ക്രിക്കറ്റ് ക്ലബുകൾക്ക് ജയം

തലശ്ശേരി: ജില്ല ബി ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ കൂത്തുപറമ്പ് രഞ്ജി ക്രിക്കറ്റ് ക്ലബ് 103 റൺസിന് കണ്ണൂർ യുനൈറ്റഡ് ക്രിക്കറ്റ് ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത രഞ്ജി ക്രിക്കറ്റ് ക്ലബ് മുസദ്ദിക്കിന്റെ സെഞ്ച്വറിയുടെ (പുറത്താകാതെ 104 റൺസ്, 60 പന്തിൽ) മികവിൽ നിശ്ചിത 20 ഓവറിൽ ആറ് വിക്കറ്റ് നഷ്ടത്തിൽ 156 റൺസെടുത്തു. മറുപടിയായി യുനൈറ്റഡ് ക്രിക്കറ്റ് ക്ലബ് 15.5 ഓവറിൽ 53 റൺസിന് ഓൾ ഔട്ടായി. മുസദ്ദിക്ക് മാൻ ഓഫ് ദി മാച്ചായി. രണ്ടാം മത്സരത്തിൽ കണ്ണൂർ കമ്പിൽ അപ്പാച്ചി ക്രിക്കറ്റ് ക്ലബ് ഏഴ് വിക്കറ്റിന് തലശ്ശേരി മാസോയെ പരാജയപ്പെടുത്തി. ആദ്യം ബാറ്റ് ചെയ്ത മാസോ 19.3 ഓവറിൽ 109 റൺസിന് ഓൾ ഔട്ടായി. മറുപടിയായി അപ്പാച്ചി ക്രിക്കറ്റ് ക്ലബ് 13.5 ഓവറിൽ മൂന്ന് വിക്കറ്റ് നഷ്ടത്തിൽ വിജയലക്ഷ്യം നേടി. മൂന്ന് വിക്കറ്റും പുറത്താകാതെ 37 റൺസുമെടുത്ത് അപ്പാച്ചി ക്രിക്കറ്റ് ക്ലബ് താരം വി.പി. ഫൈസൽ മാൻ ഓഫ് ദി മാച്ചായി. വ്യാഴാഴ്ച നടക്കുന്ന മത്സരത്തിൽ തലശ്ശേരി ജനുവിൻ ഗെയ്സ് ക്രിക്കറ്റ് ക്ലബ് തിരുവങ്ങാട് ഫിനിക്സ് ക്രിക്കറ്റ് ക്ലബിനെയും തലശ്ശേരി ഹോപ്പേഴ്സ് ക്രിക്കറ്റ് ക്ലബ് കണ്ണൂർ യങ്​സ്​റ്റേഴ്സ് ക്രിക്കറ്റ് ക്ലബിനെയും നേരിടും. -------------------- പടം..... മുസദ്ദിക്ക്