വിനോദ സഞ്ചാരികളേ ഇതിലേ...

സൻെറ് തോമസ് മൗണ്ട് -പാലുകാച്ചിമല റോഡ് കോൺക്രീറ്റ് ചെയ്തു കേളകം: വിനോദ സഞ്ചാരികൾക്ക് ഇനി ഇതിലേ സുഗമമായി സഞ്ചരിക്കാം. സൻെറ് തോമസ് മൗണ്ട് -പാലുകാച്ചി മല റോഡ് കേളകം പഞ്ചായത്ത് കോൺക്രീറ്റ് ചെയ്തതാണ്​ സഞ്ചാരികൾക്ക്​ സഹായകരമായത്​. ഏഴുലക്ഷം രൂപ ചെലവിലാണ് റോഡ് കോൺക്രീറ്റ്​ ചെയ്തത്​. ഇതോടെ ശാന്തിഗിരിയിൽനിന്ന് പാലുകാച്ചി മലയുടെ അടിവാരമായ സൻെറ് തോമസ് മൗണ്ട് വരെ സഞ്ചാരികൾക്ക് സുഖമായി എത്താനാകും. പാലുകാച്ചി ടൂറിസം പദ്ധതിയുടെ ഭാഗമായി 1.90 കോടി രൂപയുടെ രൂപരേഖ തയാറാക്കി ഗ്രാമപഞ്ചായത്ത് അധികൃതർ സർക്കാറിന് സമർപ്പിച്ചിരുന്നു. ശാന്തിഗിരി ഇക്കോ ടൂറിസത്തിന്‍റെ പ്രഖ്യാപനം ഉടൻ ഉണ്ടാകുമെന്ന പ്രതീക്ഷയിലാണ് സഞ്ചാരികൾക്കായി പഞ്ചായത്തിന്‍റെ ഫണ്ട് ചെലവിട്ട് പാത നിർമാണം തുടങ്ങിയത്.