മാസോ, രഞ്ജി ക്രിക്കറ്റ് ക്ലബുകൾക്ക് ജയം

തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ജില്ല ബി ഡിവിഷൻ ലീഗ് ക്രിക്കറ്റ് ചാമ്പ്യൻഷിപ് മത്സരത്തിൽ തലശ്ശേരി മാസോ അഞ്ച് വിക്കറ്റിന് മുഴപ്പിലങ്ങാട് വി.പി.ആർ ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത വി.പി.ആർ ക്ലബ് 20 ഓവറിൽ 103 റൺസിന് എല്ലാവരും പുറത്തായി. മറുപടിയായി മാസോ 16.2 ഓവറിൽ അഞ്ച് വിക്കറ്റ് നഷ്ടത്തിൽ വിജയ ലക്ഷ്യം നേടി. പുറത്താകാതെ 41 റൺസെടുത്ത് മാസോ താരം പി. ഷഫീഖ് മാൻ ഓഫ് ദി മാച്ചായി. രണ്ടാം മത്സരത്തിൽ കൂത്തുപറമ്പ് രഞ്ജി ക്രിക്കറ്റ് ക്ലബ് 73 റൺസിന് ധർമടം സീഹോക്ക് ക്രിക്കറ്റ് ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത രഞ്ജി ക്രിക്കറ്റ് ക്ലബ് നിശ്ചിത 20 ഓവറിൽ ഒമ്പത് വിക്കറ്റ് നഷ്ടത്തിൽ 146 റൺസെ ടുത്തു. മറുപടിയായി സീഹോക്ക് ക്രിക്കറ്റ് ക്ലബ് 18 ഓവറിൽ 73 റൺസിന് ഓൾ ഔട്ടായി. 40 റൺസും രണ്ട് വിക്കറ്റും നേടി രഞ്ജി ക്രിക്കറ്റ് ക്ലബ് താരം രജീഷ് മാൻ ഓഫ് ദി മാച്ചായി. ബുധനാഴ്ച നടക്കുന്ന മത്സരത്തിൽ തലശ്ശേരി കോസ്മോസ് ക്രിക്കറ്റ് ക്ലബ് മുഴപ്പിലങ്ങാട് വി.പി.ആർ ക്ലബിനെയും കണ്ണൂർ യുനൈറ്റഡ് ക്രിക്കറ്റ് ക്ലബ് തലശ്ശേരി മലബാർ അത്​ലറ്റിക് ക്ലബിനെയും നേരിടും.