അംഗൻവാടി കെട്ടിടം തുറന്നു

പയ്യന്നൂർ: രാമന്തളി ഗ്രാമപഞ്ചായത്ത് 13ാം വാർഡിൽ നിർമിച്ച അംഗൻവാടി കെട്ടിടം പഞ്ചായത്ത് വൈസ് പ്രസിഡന്‍റ്​ ടി. ഗോവിന്ദൻ ഉദ്ഘാടനം ചെയ്തു. സ്ഥിരം സമിതി ചെയർമാൻ കെ.പി. ദിനേശൻ അധ്യക്ഷത വഹിച്ചു. കെ.വി. രാമചന്ദ്രൻ മുഖ്യാതിഥിയായി. ബ്ലോക്ക് പഞ്ചായത്ത് അംഗം എ. വത്സല, പഞ്ചായത്ത് അംഗങ്ങളായ എ.വി. സുനിത, ബിന്ദു നീലകണ്ഠൻ, കെ.സി. അബ്ദുൽ ഖാദർ, പഞ്ചായത്ത് സെക്രട്ടറി എൻ.കെ. അശോകൻ, സി.ഡി.പി.ഒ കെ. നന്ദിനി, എം.വി. ഗോവിന്ദൻ, കെ.പി.വി. രാഘവൻ, വി.വി. ഉണ്ണികൃഷ്ണൻ, പി.വി. സുരേന്ദ്രൻ, ആർ. കുഞ്ഞികൃഷ്ണൻ എന്നിവർ സംസാരിച്ചു. വാർഡ് അംഗം പി.പി. നാരായണി സ്വാഗതവും സിന്ധു ടീച്ചർ നന്ദിയും പറഞ്ഞു. ഏഴിമല ലയൺസ് ക്ലബിനുവേണ്ടി പോത്തേര കല്യാണി അമ്മയുടെ സ്മരണാർഥം മകൾ ശൈലജ പവിത്രൻ സൗജന്യമായി നൽകിയ ഭൂമിയിലാണ് അംഗൻവാടി നിർമിച്ചത്.