യൂനിറ്റ് പ്രഖ്യാപനവും ജനറൽ ബോഡി യോഗവും

പേരാവൂർ: ചേംബർ ഓഫ് പേരാവൂരും സംസ്ഥാനത്തെ വിവിധ വ്യാപാരി സംഘടനകളും ചേർന്ന് രൂപവത്കരിച്ച യുനൈറ്റഡ് മർച്ചന്‍റ്​ ചേംബറിന്‍റെ (യു.എം.സി) പേരാവൂർ ഞായറാഴ്ച പേരാവൂരിൽ നടക്കുമെന്ന് യു.എം.സി ജില്ല കോഓഡിനേറ്റർ ഷിനോജ് നരിതൂക്കിൽ, പേരാവൂർ യൂനിറ്റ് പ്രസിഡന്‍റ്​ കെ.എം. ബഷീർ, ജനറൽ സെക്രട്ടറി വി.കെ. വിനേശൻ, ഭാരവാഹികളായ ബേബി പാറക്കൽ, വി.കെ. രാധാകൃഷ്ണൻ എന്നിവർ അറിയിച്ചു. വൈകീട്ട് മൂന്നിന് ബേ ലീഫ് ഓഡിറ്റോറിയത്തിൽ യു.എം.സി സംസ്ഥാന പ്രസിഡന്‍റ്​ ജോബി വി. ചുങ്കത്ത് ഉദ്ഘാടനം ചെയ്യും. സംസ്ഥാന സെക്രട്ടറി ആലിക്കുട്ടി ഹാജി മുഖ്യപ്രഭാഷണം നടത്തും. സംസ്ഥാന ട്രഷറർ ടി.എഫ്. സെബാസ്റ്റ്യൻ അംഗങ്ങളുടെ ഗ്രൂപ് ഇൻഷുറൻസ് ഉദ്ഘാടനം നിർവഹിക്കും. ഞായറാഴ്ച നടത്താൻ നിശ്ചയിച്ചിരുന്ന യു.എം.സിയുടെ കുടുംബമേള കോവിഡ് വ്യാപനം കൂടിയ സാഹചര്യത്തിൽ മാറ്റിവെച്ചതായും സംഘാടകർ അറിയിച്ചു.