റോഡ് ഉദ്ഘാടനം

മാഹി: അഴിയൂർ പഞ്ചായത്ത് 16ാം വാർഡിലെ നടുച്ചാൽ പരവന്‍റെ വളപ്പിൽ പ്രദേശത്തെ ഓവുചാൽ കം റോഡ് മന്ത്രി സജി ചെറിയാൻ ഓൺലൈനായി ഉദ്ഘാടനം ചെയ്തു. പഴയ എസ്റ്റിമേറ്റ് പ്രകാരം 2.20 മീറ്റർ മാത്രം വീതിയുണ്ടായിരുന്ന റോഡ് നാട്ടുകാരുടെ സഹായത്തോടെ മൂന്നു മീറ്ററാക്കിയാണ് പൂർത്തീകരിച്ചത്. പ്രാദേശിക ചടങ്ങ് കെ.കെ. രമ എം.എൽ.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡൻറ് ആയിഷ ഉമ്മർ അധ്യക്ഷത വഹിച്ചു.