പള്ളൂരിൽ ഗതാഗത നിയന്ത്രണം

തലശ്ശേരി: മാഹി ബൈപാസ് നിർമാണ ഭാഗമായി പള്ളൂരിൽ മേൽപാലത്തിന്‍റെ പണികൾ നടക്കുന്നതിനാൽ ബുധനാഴ്ച മുതൽ 18വരെ ഗതാഗതത്തിന് നിയന്ത്രണം ഏർപ്പെടുത്തി. തലശ്ശേരിയിൽനിന്ന്​ ചൊക്ലി ഭാഗത്തേക്ക്‌ പോകുന്ന വാഹനങ്ങൾ മാടപ്പീടികയിൽനിന്ന്​ ഇടത്തോട്ട് തിരിഞ്ഞ് ഇടയിൽപീടിക - പള്ളൂർ വഴി പോകേണ്ടതും തിരിച്ച്​ തലശ്ശേരിക്ക് പോകുന്ന വാഹനങ്ങൾ മേൽപാലത്തിന് സമാന്തരമായുള്ള താൽക്കാലിക പാതയിലൂടെയും പോകേണ്ടതാണ്.